Իմ նոր ընկերը կամ ես, մկրատը և գունավոր թղթերը

Ես ու մկրատը արդեն մի քանի ամիս է ընկերացել ենք,  վերջերս մեզ միացան նաև սոսինձը և գունավոր թղթերը: Մի օր արթնացա ու որոշեցի թրթուր պատրաստել, թղթերս, մկրատս , սոսինձս վերցրեցի ու անցա գործի, դե սկզբում ծուռ-մուռ պատկերներ կտրատեցի, հետո մամայիս խնդրեցի, որ օգնի շրջաններ կտրատենք, մամաս էլ հիշողության գիրկն ընկավ ու առաջարկեց սուրճի բաժակի օգնությամբ ստանանք այդ շրջանները :)

Այնուհետև որոշեցի շրջանները երկկողմանի դարձնել, այսինքն միմյանց կպցնել:

Թրթուրիս համար աչքեր, քիթ ու բերան պատրաստեցի... ու մի լավ ծիծաղեցի :)

Մամաս ասում  էր, որ թրթուրիս դեմքը ծաղրածույի ավելի նման է, ու համոզում էր, որ ծաղրածու պատրաստենք, բայց դե ես հաստատ որոշել էի՝ թրթուր եմ ուզում պատրաստել ու անցա վերջին պատասխանատու քայլին: Թրթուրիս մարմինը դե այդ շրջանները հավաքեցի լարի վրա ու իմ թրթուրը կենդանացաաաաա՜վ...
Հիմա ես նոր ընկեր ունեմ, իսկական թրթուր ընկեր, որին ես եմ ստեղծել :)

Պատրաստում ենք պլաստիլին

Այսօր մամայիս հետ որոշեցինք պլաստիլին պատրաստել, բավականին հեշտ ու հետաքրքիր գործընթաց էր, ես մամայիս շատ օգնեցի, ալյուրը լցրեցի, խմորը մի լավ հունցեցի, հետո էլ մոտ երեք ժամ սուսուփուս խաղացի, դուք էլ ձեր մայրիկների հետ անպայման պատրաստեք: Եվ այսպես աշխարհի ամենալավ պլաստիլինը պատրաստելու համար անհրաժեշտ է

1. կես բաժակ աղ
2. մեկ ճ/գ լիմոնի աղ
3. մեկ ճ/գ բուսայուղ
4. մեկ բաժակ ջուր
5. սննդային ներկեր
6. մեկ բաժակ ալյուր

Պատրաստման եղանակը:

Աղը, լիմոնի աղը  ցվնել ջրի մեջ, ավելացնել բուսայուղը և դնել կրակին, թողնել ,որ լավ տաքանա, բայց չեռացնեք, հետո վերցնել կրակից ավելացնել ալյուրը ու սկսել հունցել: Եթե կպչուն ստացվի, ուրեմն նորից ալյուր ավելացրեք, այնքան որ ստացվի մատերից չկպչող զանգված: Հետո գնդերի բաժանել ,ամեն գնդի մեջ ներկ/ գույն  լցնել  ու մի լավ խառնել, տրորել, վերջ ... կախարդական պլաստիլինը պատրաստ է :) պահել  փակ տարայի մեջ, որպեսզի չչորանա:

մենք չորս տարբեր գույների գնդեր պատրաստեցինք