Դե պատմել եմ, որ պապայիս հետ մամայի փորիկի մեջից արդեն լեզու էի գտել, հետո որ մամայի փորիկից դուրս եկա, պապայիս հետ ավելի ընկերացա: Մամաս ասում է, որ ես պապային շատ եմ նման, մեկ-մեկ էլ ինձ ասում է փոքր Արմեն :) Շատ եմ սիրում, երբ մամաս ինձ թողնում է պապայիս մոտ ու գնում վարսավիրանոց, մեկ էլ սիրում եմ կիրակի օրերը, երբ պապաս տանն է լինում:
Մամաս կիրակի օրերը միշտ մի բան կազմակերպում է, մի անգամ էլ քաղաքից դուրս էինք գնացել, այնքան լավ անցավ, պապայի հետ գնդակ խաղացինք, հետո պապաս ինձ ծառին նստացրեց, ես էլ բոլորին տեսնում էի վերևից :)
Ուզում եմ ասեմ, որ պապաս աշխարհի ամենալավ պապան է...
Մի օր սովորականի պես արթնացա քնից ու ի զարմանս ինձ տեսա, որ մամաս ու պապաս էլ են արթնացել, դե իրենք ծույլիկներ են, միշտ ես եմ իրենց արթնացնում: Մամաս ու պապաս տեսան, որ արթնացել եմ եկան ու ինձ շա՜տ պաչիկներ արեցին, ես սկզբից համբերատար դիմանում էի, հետո ջղայնացա... ախր ես պարապ չեմ է ՜, երեկ որոշել էի հեռուստացույցը նորոգեմ, վերջերս քիչ է մուլտիկ ցույց տալիս, բայց ուշ էր ու մամաս ուղարկեց ինձ քնելու:
Մի կերպ ինձ գցեցի հյուրասենյակ, հասա հեռուստացույցին սկսեցի բզբզալ, մեկ էլ ինչ տեսնեմ ....
Մեր ամբողջ հյուրասենյակը լցված էր փուչիկներով, ծաղիկներով, վարագույրին գունզգույն թղթեր էր ամրացված , մամաս ու պապաս էլ շատ ուրախ էին, հետո մամաս ասեց, որ ես արդեն ՄԵԿ տարեկան եմ, մե՜ծ աղջիկ եմ, պետք է քայլեմ ու շատ պարտականություններ ունեմ:
Հետո մամաս ինձ սիրուն շորիկ հագրցրեց, պապաս էլ գնաց պուպուշ տորթիկ բերեց :
Հետո մամաս տորթիկիս վրա մոմ դրեց ու ես փչեցի :) մամաս ինձ ասել էր, որ պետք է երազանք պահեմ, դե ես էլ պահեցի, որ ես, մամաս ու պապաս միշտ միասին լինենք:
Բարև, ինչպե՞ս ես, ես լավ եմ, այսօր շատ կաթիկ եմ խմել, դե գիտես չէ ես կաթիկի մեծ սիրահար եմ :) Այսօր «Ատամհատիկիս» մասին եմ պատմելու: Դե գիտեք մամաս շատ թիթիզ է , այդ պատճառով համ շորիկս էր թիթիզ համ էլ տորթիկս, տորթիկիս վրա մի մե՜ծ ատամիկ կար, որը շատ էի ուզում ուտել, բայց մամաս չթողեց :( մամաս ասում է, որ ես հատուկ ցուցակով եմ սնվում, որ առողջ բալիկ լինեմ, տեսնես բոլոր մարդիկ այդ ցուցակով ե՞ն սնվում...
Տորթիկը սեղանին դնելուց հետո սիրուն փաթեթավորված թղթիկներ ցույց տվեցին ու ասում էին . « Դանի մեկը ընտրի, բայց մեկը», ի՜ այնքան սիրուն էին, ո՞նց մեկը , ես երկուսն էի ուզում, այդպես երկուսը ընտրեցի:
Մամաս քանդեց այդ սիրուն թղթիկները ու բարձր կարդաց. « Բժիշկ, իրավաբան», բոլորը ուրախացան, ծափ տվեցին, ես էլ վախեցա ու լացեցի: Հետո, երբ հյուրերը գնացին մամաս ինձ բացատրեց, թե ով է բժիշկը ու ես հաստատ որոշեցի. ես ԲԺԻՇԿ եմ դառնալու :)
Այ այսպես ժպտալով էլ ձեզ ասում եմ հաջողություն, ինձ կկարոտեք ու անհամբեր կսպասեք ...
Մի քանի օր շարունակ մամաս ու պապաս խոսում էին, ինչ-որ Ամանորի, տոնածառի ու նվերների մասին, հետո ամեն օր դուրս էինք գալիս գնումների ... ուուուխխխխ այքան շատ եմ սիրում գնումների գնալ, մամաս միշտ մի լավ բան գնում է ինձ համար: Հետո շատ գեղեցիկ տոնածառ դրեցինք, սիրու՜ն լույսերով ու խաղալիքներով, շա՜տ փուչիկներ փչեցինք ու տունը գեղեցիկ զարդարեցինք, ես էլ աչուկներս կլորացրած հետևում էի այդ ամենին ու մտածում թե ի՞նչ նվեր անեմ մամայիս ու պապայիս.... ահաաաաաա, գտա ... մամաս միշտ լնդերս է նայում ու ասում է պապային, որ դեռ չեմ ծակել, դե ես էլ կծակեմ ... այդպես վեց ամիսս դեռ չբոլորած երկու ատամ նվիրեցի մամայիս ու պապայիս :) Մեր Ամանորը շատ լավ անցավ , մամաս ինձ Ձմեռ պապիկի շորեր հագցրեց ու մի քանի տեղ հյուր գնացինք:
Տատիկիս տանը
Հետո մամաս ասեց, որ մի հետաքրքիր տոն ենք կազմակերպելու, որը կոչվում է
« Ատամհատիկ», բայց արդեն ուշ է, գնամ բաբայ անեմ, վաղը անպայման կպատմեմ :)
Ողջույն, ես Դանիելան եմ... մամաս ասում է, որ ես մամայիս ու պապայիս կյանքն եմ, սիրտն եմ ու արևն եմ, հա մամաս մեկ-մեկ էլ զարմանում է թե առանց ինձ ինչպե՞ս է ապրել ուղիղ 27 տարի:
Մի ժամանակ ես ապրում էի մամայիս փորիկի մեջ, մամայիս հետ աշխատանքի էի գնում, մի քանի ժամ դասախոսություն էի լսում հետո գալիս տուն, հացիկ ուտում ու երկա՜ր քնում: Ամենից շատ սիրում էի մեր երեկոները, երբ պապաս էր գալիս տուն... ես ու պապաս լիքը խաղում էինք, ես մամայիս փորիկի մեջից ուզում էի բռնել պապայիս ձեռքը, դմփացնում էի մամայիս փորիկին :) հետո մի օր զգացի, որ ուզում եմ ամու՜ր գրկեմ մամայիս ու պապայիս, արագ-արագ իրերս հավաքեցի ու ճանապարհ ընկա ... դե ես շատ անհամբեր եմ, դրա համար սկսեցի վազել ու պուկ դուրս թռա մամայիս փորիկից :)
Մնացածն էլ հետո կպատմեմ, մամաս կանչում է ճաշիկ ուտելու... դեռ այնքան բան ունեմ պատմելու..
